Hindi mawawala sa ating mundo ang iba’t ibang mga hugis.
Maging tayong mga tao ay may kanya-kanyang mga hugis na
bagaman may mga pagkakaiba, ay may pagkakatulad din. Ang ating
mga katawan, damdamin, isipin, at mga karanasan ay maaari nating
ihalintulad sa mga hugis. Lahat tayo ay hinubog ng Maykapal,
iba-iba man ang itawag natin. Kaya naman inaanyayahan namin
kayong basahin ang antolohiyang “Tulagis: Mga Tulang Hinugis”.
Damhin ang ritmo ng bawat taludtod at tingnan ang iba’t ibang
hugis na nilikha ng mga makata sa bawat tulang kinatha.